Israel Adesanya na still di middleweight champion afta e defeat Yoel Romero for fight wey many dey say e no sweet.
For di UFC 248 event, di two fighters wey dey undefeated before dis match bin dey hope to go back house with di middleweight belt.
- Nigerian fighter beat Whittaker to win UFC middleweight title
- Kamaru Usman beat Colby Covington with no mercy to retain im UFC title
By unanimous decision by di judges declare say na di Nigerian-born Israel, na im fight pass on di night.
Afta round 5 di judges drop scores of 49-46, 48-47, 48-47 wey make Romero para and later complain about.
Di fight wey many sabi pipo say no two sweet to watch, bin happun for di T-Mobile Arena for Las Vegas, American early mor mor on Sunday.
Israel Adesanya wey im nickname na Stylebender, dey represent New Zealand wey be di kontri im parents migrate to.