Connect with us

BBC News Pidgin

Kubrat Pulev: Di boxer wey go fight Anthony Joshua for Tottenham Hotspur Stadium

Published

on

Anthony Joshua celebrates with im belts for ring after im beat Andy Ruiz Jr.

PA Media
Anthony Joshua regain im WBA, IBF and WBO titles with victory over Andy Ruiz Jr. for Saudi Arabia for December

British world champion Anthony Joshua go fight Kubrat Pulev for Tottenham Hotspur Stadium on Saturday 20 June.

Pulev wey be 38 years, come from Bulgaria and na him IBF, wey be boxing join-body say Joshua wey get di WBA, IBF and WBO titles must fight.

Joshua win im belts back with points victory over Andy Ruiz Jr. for December.

“I dey very happy to get dis opportunity to show di world how strong I dey,” na wetin Pulev tok.

Dis go be Joshua first fight for UK since im beat Alexander Povetkin for Wembley for September 2018.

Im bin suppose fight Pulev for Cardiff Principality Stadium for October 2017 but di fight no happun

Di Bulgarian withdraw after im get shoulder injury during training alias sparring, Carlos Takam gatzs step up to replace am with just 12 days’ notice.

Last week, Joshua promoter Eddie Hearn tok say tok-tok dey go on for di all-British unification fight between Joshua and Tyson Fury.

Fury beat Deontay Wilder to collect di WBC title last month, e mean say na British heavyweights hold all di belts dem for di division.

But Wilder wey be American do use di rematch clause, wey mean say Fury vs Wilder part three go happun before Fury and Joshua go fight.

Kubrat Pulev

Getty Images
Kubrat Pulev, na former European heavyweight champion

Who be Kubrat Pulev?

Pulev, na former European heavyweight champion.

Di Bulgaria don lose once for im 29 fights. Wladimir Klitschko knockout for fifth round for November 2015.

For 2015, im beat Britain Hughie Fury on points for IBF final eliminator for Bulgaria for October 2018, im first fight since im pull out of im original meeting with Joshua.

Im last fight, im win with unanimous points victory, against American Rydell Booker, for November.

BBC News Pidgin

Mercy Eke Goes Spiritual On Critics; Instructs Them To Give Her Money (Video)

Published

on

Mercy Eke
Mercy Eke

2019 Big Brother Nigeria winner, Mercy Eke

2019 BBNaija housemate, Mercy Eke shared an hilarious video via her Instagram story which contains important messages for her critics.

The former video vixen decided to go spiritual on her critics in a bid to stop them from saying negative things about her.

In the video, Eke is seen wearing a scary make-up and chanting incantations while ordering her critics, who post nasty things about her to stop and she also commanded them to send her money.

Read Also: BBNaija: ‘How I Got Pregnant As A Virgin At 23’ – Wathoni (Video)

Watch the video clip below:

https://www.instagram.com/p/CDJWuV9HbTJ/?igshid=22bb9ocrw23k

Continue Reading

BBC News Pidgin

Tom Hanks coronavirus: Di Hollywood actor and im wife Rita Wilson don test positive to Covid-19 disease

Published

on

Tom Hanks and Rita Wilson

Getty Images

Ogbonge Oscar-winner actor Tom Hanks don tell world pipo say im and im wife Rita Wilson don test positive for di coronavirus for Australia.

Hanks and Wilson, two of dem 63 years, bin ask for medical advice afta dem notice symptoms of cold for Queensland, di actor write for Instagram.

Dem go dey isolation now, im add.

Di US couple bin dey di Gold Coast (for Australia), wia Hanks bin dey work on feem about di life of Elvis Presley.

On Wednesday, di World Health Organization (WHO) officially declare say di outbreak na pandemic, meaning say e don dey all ova di world.

Hanks bin write on Instagram say, “We bin feel tired small, we get cold, and bodi pain. Rita bodi bin dey shake from time to time. Small fever too.

“To play tins right, as na wetin dey needed for di world now, we do test for coronavirus come find out say we dey positive”.

More about coronavirus:

Hanks wey dey act inside feems like Forrest Gump and Saving Private Ryan, say dem go keep di world “posted and updated”.

Wilson wey be singer and actress, bin don perform concerts for Emporium Hotel for Brisbane and di Sydney Opera House for di past week.

Australia don record more than 130 coronavirus cases.

Continue Reading

BBC News Pidgin

Coronavirus: Enyimba and Comets players wey dem kidnap for Nigeria don regain freedom

Published

on

Dayo Ojo

Eniymba FC
Ojo don play five times for Nigeria

4 days afta jaguda pipo kidnap dem for Nigeria, two Nigeria Professional Football League (NPFL) players don regain dia freedom, according to official club announcement.

Statement from Enyimba Football Club say dia midfielder Ekundayo Ojo and Benjamin Iluyomade of Abia Comets Club, wey jaguda pipo kidnap on Sunday 22 March, don return to dia families.

Tori be say di two players, plus anoda Enyimba player Emmanuel James, bin dey travel along di Benin-Owo expressway when di attack happun.

Earlier statement on Sunday report say James manage to escape di attack but di oda two no dey lucky.

Di Covid-19 pandemic bin don make NPFL announce say dem don suspend games, and di players bin dey return to Akure, Ondo State, wey be 338km journey.

Ojo represent Nigeria for senior level during di 2018 African Nations Championship.

“Dem release di footballers on Wednesday night because of help from di Nigeria Police Force, support from Enyimba Football Club, di National Association of Nigeria Professional Footballers and families of di players,” di statement from Eyimba bin tok.

For 2018, kidnappers gbab di papa of Nigeria international player Mikel Obi for 2018 – for di second time. Tori later comot say dem pay $28,000 for im release.

Highway kidnapping – as way of making money by ransom – dey common across Nigeria and although di administration of presido Muhammadu Buhari don promise to tackle di mata, reports show say di problem still dey.

Continue Reading

Trending