Connect with us

BBC News Pidgin

Kelechi Iheanacho,Cyril Dessers dey Gernot Rohr squad to play Sierra Leone for Afcon qualifiers – See di full list

Published

on

Kelechi Iheanacho

Getty Images
Iheanacho don score three goals for Leicester City for Premier League dis season

Leicester City striker Kelechi Iheanacho dey among di 24 players wey Super Eagles coach Gernot Rohr invite for Nigeria 2021 Africa Cup of Nations qualifying match against di Leone Stars of Sierra Leone dis month.

Rohr neva invite Iheanacho since im drop am from im 23-man squad for di 2019 Africa Cup of Nations for Egypt.

Rohr also invite two new players to di squad. One of dem na Germany based defender Kingsley Ehizibue, wey dey di books of FC Koln, and Holland -based striker Cyril Dessers.

Dessers wey dey play for Heracles Almelo na di highest goal scorer dis season for Dutch Eredivisie with 15 goals.

Super Eagles captain Ahmed Musa, vice captain William Ekong and defender Kenneth Omeruo name dey di list too.

Nigeria go play di Leone Stars for di Stephen Keshi Stadium for Asaba on Friday, 27 March, before dem fly go Freetown for di return leg for di confront Siaka Stevens Stadium four days later.

Di Super Eagles dey group L wey get Benin, Lesotho and Sierra Leone and na dem dey top di group with six points.

If dem win dia two games against Sierra Leone dem go book dia place for di 33rd Africa Cup of Nations wey go happun for Cameroon early next year, ahead of their away match to Benin Republic for Porto Novo for June and home game against Lesotho for early September.

Iheanacho don score three goals for Leicester for Premier League dis season.

See di full list of 24 players wey Rohr invite

Super Eagles

Getty Images
Super Eagles dey top group L with six points

Goalkeepers: Daniel Akpeyi (Kaizer Chiefs, South Africa); Ikechukwu Ezenwa (Heartland FC); Maduka Okoye (Fortuna Dusseldorf, Germany)

Defenders: Kenneth Omeruo (CD Leganes, Spain); Leon Balogun (Wigan Athletic, England); Chidozie Awaziem (CD Leganes, Spain); William Ekong (Udinese FC, Italy); Olaoluwa Aina (Torino FC, Italy); Jamilu Collins (SC Padeborn 07, Germany); Oluwasemilogo Ajayi (West Bromwich Albion, England); Kingsley Ehizibue (FC Koln, Germany)

Midfielders: Abdullahi Shehu (Bursaspor FC, Turkey); Etebo Oghenekaro (Getafe FC, Spain); Wilfred Ndidi (Leicester City, England); Joseph Ayodele-Aribo (Glasgow Rangers, Scotland); Ramon Azeez (Granada FC, Spain)

Forwards: Ahmed Musa (Al Nassr, Saudi Arabia); Alexander Iwobi (Everton FC, England); Victor Osimhen (Lille OSC, France); Moses Simon (FC Nantes, France); Samuel Chukwueze (Villarreal FC, Spain); Cyril Dessers (Heracles Almelo, The Netherlands); Kelechi Iheanacho (Leicester City, England); Samuel Kalu (Girondins Bordeaux, France)

BBC News Pidgin

Mercy Eke Goes Spiritual On Critics; Instructs Them To Give Her Money (Video)

Published

on

Mercy Eke
Mercy Eke

2019 Big Brother Nigeria winner, Mercy Eke

2019 BBNaija housemate, Mercy Eke shared an hilarious video via her Instagram story which contains important messages for her critics.

The former video vixen decided to go spiritual on her critics in a bid to stop them from saying negative things about her.

In the video, Eke is seen wearing a scary make-up and chanting incantations while ordering her critics, who post nasty things about her to stop and she also commanded them to send her money.

Read Also: BBNaija: ‘How I Got Pregnant As A Virgin At 23’ – Wathoni (Video)

Watch the video clip below:

https://www.instagram.com/p/CDJWuV9HbTJ/?igshid=22bb9ocrw23k

Continue Reading

BBC News Pidgin

Tom Hanks coronavirus: Di Hollywood actor and im wife Rita Wilson don test positive to Covid-19 disease

Published

on

Tom Hanks and Rita Wilson

Getty Images

Ogbonge Oscar-winner actor Tom Hanks don tell world pipo say im and im wife Rita Wilson don test positive for di coronavirus for Australia.

Hanks and Wilson, two of dem 63 years, bin ask for medical advice afta dem notice symptoms of cold for Queensland, di actor write for Instagram.

Dem go dey isolation now, im add.

Di US couple bin dey di Gold Coast (for Australia), wia Hanks bin dey work on feem about di life of Elvis Presley.

On Wednesday, di World Health Organization (WHO) officially declare say di outbreak na pandemic, meaning say e don dey all ova di world.

Hanks bin write on Instagram say, “We bin feel tired small, we get cold, and bodi pain. Rita bodi bin dey shake from time to time. Small fever too.

“To play tins right, as na wetin dey needed for di world now, we do test for coronavirus come find out say we dey positive”.

More about coronavirus:

Hanks wey dey act inside feems like Forrest Gump and Saving Private Ryan, say dem go keep di world “posted and updated”.

Wilson wey be singer and actress, bin don perform concerts for Emporium Hotel for Brisbane and di Sydney Opera House for di past week.

Australia don record more than 130 coronavirus cases.

Continue Reading

BBC News Pidgin

Coronavirus: Enyimba and Comets players wey dem kidnap for Nigeria don regain freedom

Published

on

Dayo Ojo

Eniymba FC
Ojo don play five times for Nigeria

4 days afta jaguda pipo kidnap dem for Nigeria, two Nigeria Professional Football League (NPFL) players don regain dia freedom, according to official club announcement.

Statement from Enyimba Football Club say dia midfielder Ekundayo Ojo and Benjamin Iluyomade of Abia Comets Club, wey jaguda pipo kidnap on Sunday 22 March, don return to dia families.

Tori be say di two players, plus anoda Enyimba player Emmanuel James, bin dey travel along di Benin-Owo expressway when di attack happun.

Earlier statement on Sunday report say James manage to escape di attack but di oda two no dey lucky.

Di Covid-19 pandemic bin don make NPFL announce say dem don suspend games, and di players bin dey return to Akure, Ondo State, wey be 338km journey.

Ojo represent Nigeria for senior level during di 2018 African Nations Championship.

“Dem release di footballers on Wednesday night because of help from di Nigeria Police Force, support from Enyimba Football Club, di National Association of Nigeria Professional Footballers and families of di players,” di statement from Eyimba bin tok.

For 2018, kidnappers gbab di papa of Nigeria international player Mikel Obi for 2018 – for di second time. Tori later comot say dem pay $28,000 for im release.

Highway kidnapping – as way of making money by ransom – dey common across Nigeria and although di administration of presido Muhammadu Buhari don promise to tackle di mata, reports show say di problem still dey.

Continue Reading

Trending