Connect with us

BBC News Pidgin

Coronavirus-Virus: Why Newcastle ban handshake for training ground



Newcastle manager Steve Bruce say dem don ban pipo to dey shake hand for dia training ground.

More than 80,000 pipo dey infected with di virus for di world, and almost 2,800 pipo na di virus don kill.

“Wey get one ritual here wey everybody go shake each oda hand wen we see for morning- we don stop am sake di advice from our doctor,” na wetin Bruce tok.

“Thankfully, we get correct doctor here and im go let us know wetin we gatz do.”

Bruce add say: “We dey like everybody, we dey follow everything for TV for where e dey go next and we dey hope say e no go bad pass like dis for dis kontri.”

Dem don postpone big sports events dem, including Six Nations rugby and Chinese Grand Prix, because of di virus, wey start from China but don spread go more than 50 kontris.

For UK dem confam three more new cases of di virus on Friday.

Di Premier League say clubs dey follow di advice wey NHS and goment give to all business dem and venues wey large number of pipo dey use.

But dem say clubs dem free to do wetin dem feel say dey necessary.

Arsenal player dey train

Getty Images
Arsenal players dey train

Arsenal don introduce extra checks for tori pipo wey go attend Saturday news conference for di club training ground, While Everton don tell all dia staff about di latest goment guidelines.

Spanish La Liga side Valencia don cancel “all meetings or public gatherings for closed spaces wey go dey risky for di players, coaching staff and club staff” afta dem confam di first case of di virus for dia city.

Even sef for Italy dem postpone football matches dem or give order make dem play di match dem for empty stadium sake of di outbreak of di northern part of di kontri.

BBC News Pidgin

Mercy Eke Goes Spiritual On Critics; Instructs Them To Give Her Money (Video)



Mercy Eke
Mercy Eke

2019 Big Brother Nigeria winner, Mercy Eke

2019 BBNaija housemate, Mercy Eke shared an hilarious video via her Instagram story which contains important messages for her critics.

The former video vixen decided to go spiritual on her critics in a bid to stop them from saying negative things about her.

In the video, Eke is seen wearing a scary make-up and chanting incantations while ordering her critics, who post nasty things about her to stop and she also commanded them to send her money.

Read Also: BBNaija: ‘How I Got Pregnant As A Virgin At 23’ – Wathoni (Video)

Watch the video clip below:

Continue Reading

BBC News Pidgin

Tom Hanks coronavirus: Di Hollywood actor and im wife Rita Wilson don test positive to Covid-19 disease



Tom Hanks and Rita Wilson

Getty Images

Ogbonge Oscar-winner actor Tom Hanks don tell world pipo say im and im wife Rita Wilson don test positive for di coronavirus for Australia.

Hanks and Wilson, two of dem 63 years, bin ask for medical advice afta dem notice symptoms of cold for Queensland, di actor write for Instagram.

Dem go dey isolation now, im add.

Di US couple bin dey di Gold Coast (for Australia), wia Hanks bin dey work on feem about di life of Elvis Presley.

On Wednesday, di World Health Organization (WHO) officially declare say di outbreak na pandemic, meaning say e don dey all ova di world.

Hanks bin write on Instagram say, “We bin feel tired small, we get cold, and bodi pain. Rita bodi bin dey shake from time to time. Small fever too.

“To play tins right, as na wetin dey needed for di world now, we do test for coronavirus come find out say we dey positive”.

More about coronavirus:

Hanks wey dey act inside feems like Forrest Gump and Saving Private Ryan, say dem go keep di world “posted and updated”.

Wilson wey be singer and actress, bin don perform concerts for Emporium Hotel for Brisbane and di Sydney Opera House for di past week.

Australia don record more than 130 coronavirus cases.

Continue Reading

BBC News Pidgin

Coronavirus: Enyimba and Comets players wey dem kidnap for Nigeria don regain freedom



Dayo Ojo

Eniymba FC
Ojo don play five times for Nigeria

4 days afta jaguda pipo kidnap dem for Nigeria, two Nigeria Professional Football League (NPFL) players don regain dia freedom, according to official club announcement.

Statement from Enyimba Football Club say dia midfielder Ekundayo Ojo and Benjamin Iluyomade of Abia Comets Club, wey jaguda pipo kidnap on Sunday 22 March, don return to dia families.

Tori be say di two players, plus anoda Enyimba player Emmanuel James, bin dey travel along di Benin-Owo expressway when di attack happun.

Earlier statement on Sunday report say James manage to escape di attack but di oda two no dey lucky.

Di Covid-19 pandemic bin don make NPFL announce say dem don suspend games, and di players bin dey return to Akure, Ondo State, wey be 338km journey.

Ojo represent Nigeria for senior level during di 2018 African Nations Championship.

“Dem release di footballers on Wednesday night because of help from di Nigeria Police Force, support from Enyimba Football Club, di National Association of Nigeria Professional Footballers and families of di players,” di statement from Eyimba bin tok.

For 2018, kidnappers gbab di papa of Nigeria international player Mikel Obi for 2018 – for di second time. Tori later comot say dem pay $28,000 for im release.

Highway kidnapping – as way of making money by ransom – dey common across Nigeria and although di administration of presido Muhammadu Buhari don promise to tackle di mata, reports show say di problem still dey.

Continue Reading