Connect with us

BBC News Pidgin

Coronavirus – Virus: How social distancing fit slow down di Covid-19 pandemic

Published

on

World Health Organization – WHO recommend ‘social distancing’ as one of di ways to protect against coronavirus, and goments don dey advice pipo to do am. But wetin e really mean?

To make am straightforward, social distancing mean say make pesin try to avoid touch-touch wit oda pipo, especially di ones wey dey show signs of di disease.

E also mean say make pesin no dey spend too much time outside, wia pipo plenty.

Coronavirus tips: How to self-isolate to prevent di spread of Covid-19
The British Broadcasting Corporation

WHO wey be di global health joinbodi believe say social distancing fit epp to slowdown di spreading of Covid-19 (in addition to washing of hands, and to cover mouth during coughing).

5 tins to remember about social distancing

  • No touch anybody wey dey show symptoms of coronavirus (COVID-19). Dis fit be high temperature and/or cough wey no gree cease;
  • No use public transport unless e dey important, no comot during rush hour, if possible;
  • Do your work from house, if possible. Your employer suppose support you on dis one;
  • No go wia plenty pipo gada, or even places like gym, swimming pool, cinemas, restaurants, theatres, bars and clubs.
  • Try not to hook up wit friends and family for outing. Instead use technology like as phone, internet, and social media.

Although all those tins by demsef no go stop di spread of di disease, according to WHO Director General Tedros Adhanom Ghebreyesus wey tok on 16 March. E say instead na testing and isolation go be di way to ‘break di chain’ of coronavirus.

For one social event wey happun for Lagos, south-western Nigeria over di weekend, di organisers bin tell BBC di red carpet no go dey jampack. And every media company go get dia own separate area to make sure say guests no mix anyhow.

Ghanaians dey celebrate say dia team win football match

Getty Images
When goment order social distancing, e normally go mean say plenty pipo no fit gada togeda inside small place again

On Monday, 16 March, Prime Minister of Britain Boris Johnson don advice citizens to work from dia house and no gada togeda to jolly as di kontri death toll number don rise to 55.

“Dis blockade ontop outside jolly-jolly fit last for months or at least weeks,” tok di UK number 1 doctor, Chris Whitty.

On 15 March, South Africa presido Cyril Ramaphosa declare for national speech say schools go dey closed and travel ban go dey. On top of dis, all gatherings of more than 100 people don dey “prohibited”.

One day later, Ghana goment impose ban on all public gatherings like conferences, funerals, festivals, political rallies, church services, Islamic worship for 4 weeks starting Monday, 16 March, 2020.

Also goments of western kontries don begin advice dia citizens to practice social distancing, including United Kingdom, United States and Australia.

BBC News Pidgin

Mercy Eke Goes Spiritual On Critics; Instructs Them To Give Her Money (Video)

Published

on

Mercy Eke
Mercy Eke

2019 Big Brother Nigeria winner, Mercy Eke

2019 BBNaija housemate, Mercy Eke shared an hilarious video via her Instagram story which contains important messages for her critics.

The former video vixen decided to go spiritual on her critics in a bid to stop them from saying negative things about her.

In the video, Eke is seen wearing a scary make-up and chanting incantations while ordering her critics, who post nasty things about her to stop and she also commanded them to send her money.

Read Also: BBNaija: ‘How I Got Pregnant As A Virgin At 23’ – Wathoni (Video)

Watch the video clip below:

https://www.instagram.com/p/CDJWuV9HbTJ/?igshid=22bb9ocrw23k

Continue Reading

BBC News Pidgin

Tom Hanks coronavirus: Di Hollywood actor and im wife Rita Wilson don test positive to Covid-19 disease

Published

on

Tom Hanks and Rita Wilson

Getty Images

Ogbonge Oscar-winner actor Tom Hanks don tell world pipo say im and im wife Rita Wilson don test positive for di coronavirus for Australia.

Hanks and Wilson, two of dem 63 years, bin ask for medical advice afta dem notice symptoms of cold for Queensland, di actor write for Instagram.

Dem go dey isolation now, im add.

Di US couple bin dey di Gold Coast (for Australia), wia Hanks bin dey work on feem about di life of Elvis Presley.

On Wednesday, di World Health Organization (WHO) officially declare say di outbreak na pandemic, meaning say e don dey all ova di world.

Hanks bin write on Instagram say, “We bin feel tired small, we get cold, and bodi pain. Rita bodi bin dey shake from time to time. Small fever too.

“To play tins right, as na wetin dey needed for di world now, we do test for coronavirus come find out say we dey positive”.

More about coronavirus:

Hanks wey dey act inside feems like Forrest Gump and Saving Private Ryan, say dem go keep di world “posted and updated”.

Wilson wey be singer and actress, bin don perform concerts for Emporium Hotel for Brisbane and di Sydney Opera House for di past week.

Australia don record more than 130 coronavirus cases.

Continue Reading

BBC News Pidgin

Coronavirus: Enyimba and Comets players wey dem kidnap for Nigeria don regain freedom

Published

on

Dayo Ojo

Eniymba FC
Ojo don play five times for Nigeria

4 days afta jaguda pipo kidnap dem for Nigeria, two Nigeria Professional Football League (NPFL) players don regain dia freedom, according to official club announcement.

Statement from Enyimba Football Club say dia midfielder Ekundayo Ojo and Benjamin Iluyomade of Abia Comets Club, wey jaguda pipo kidnap on Sunday 22 March, don return to dia families.

Tori be say di two players, plus anoda Enyimba player Emmanuel James, bin dey travel along di Benin-Owo expressway when di attack happun.

Earlier statement on Sunday report say James manage to escape di attack but di oda two no dey lucky.

Di Covid-19 pandemic bin don make NPFL announce say dem don suspend games, and di players bin dey return to Akure, Ondo State, wey be 338km journey.

Ojo represent Nigeria for senior level during di 2018 African Nations Championship.

“Dem release di footballers on Wednesday night because of help from di Nigeria Police Force, support from Enyimba Football Club, di National Association of Nigeria Professional Footballers and families of di players,” di statement from Eyimba bin tok.

For 2018, kidnappers gbab di papa of Nigeria international player Mikel Obi for 2018 – for di second time. Tori later comot say dem pay $28,000 for im release.

Highway kidnapping – as way of making money by ransom – dey common across Nigeria and although di administration of presido Muhammadu Buhari don promise to tackle di mata, reports show say di problem still dey.

Continue Reading

Trending