Connect with us

BBC News Pidgin

Coronavirus: Garlic, heat, ice cream dey among fake COVID-19 disease advice you need to ignore

Published

on

Man holding garlic cloves

Getty Images
Garlic fit dey good for general health, but e no go stop coronavirus

Coronavirus outbreak alias COVID-19 disease wey dey affect more and more kontries around di world don make some pipo dey give different heath advise online as e be say di disease neva get any cure.

We wan torchlight some of di popular myths or fake claims wey pipo don share online about wetin fit cure di virus and explain wetin science tok concerning di claim.

1. Garlic

Plenti posts for facebook advice pipo say make dem dey chop garlic to prevent infection.

World Health Organization (WHO) tok say while garlic na “healthy food wey fit get some antimicrobial properties”, e no get any evidence or proof wey show say if pesin chop am, e fit protect dem from di new coronavirus.

drinking water

Getty Images

Also too much garlic fit sometimes cause harm to pesin bodi, for example, South China Morning Post report one tori of one woman wey dem rush go hospital for treatment sake of say her throat swell up afta she chop 1.5kg of raw garlic.

We know, in general, say eating fruit and vegetables and drinking water dey good for staying healthy. But no evidence don show say some kian food fit help fight dis particular virus.

2. Heat and avoiding ice cream

Ice cream

Getty Images

Plenti advise don full social media wey say heat dey kill coronavirus, and so make pipo dey drink hot water, take hot baths, or use hairdryers.

One fake post wey no truly come from Unicef but wey plenti pipo from different kontries copy and paste – claim say drinking hot water and exposure to sun go kill di virus, plus make pipo avoid ice cream


Charlotte Gornitzka, wey dey for Unicef on coronavirus misinformation, tok say:

“Dat recent lie-lie online message… wey pipo claim say na Unicef post am, wey dey advise pipo to avoid ice cream and oda cold foods to help prevent di disease. no be true at all, na big lie.”

We know say di flu virus no dey survive well outside di body during hot weather, but we neva get evidence wey prove how heat dey affect di new coronavirus. Gornitzka, tok

One sabi pesin, Professor Sally Bloomfield say Trying to heat your body or expose yoursef to di sun – to prevent di virus – no dey work at all. Once di virus dey your body, e no get any way wey you fit take kill am- your body just need to fight am off.

Outside di body, “to actively kill di virus you need temperatures of around 60 degrees”, and dis dey far hotter than any bath or sauna. Professor Bloomfield tok.

Washing bed linen or towels at 60 degrees na good idea, as dis fit kill any virus for di material. But no be good option for washing your skin.

And bathing hot water or drinking hot liquids no go change your actual body temperature, wey remain stable unless you already dey sick.

3. Drinking water every 15 minutes

One post, wey plenti pipo for Facebook copy and paste quote one “Japanese doctor” wey recommend say make pipo dey drink water every 15 minutes to flush out any virus wey fit don enta di mouth. One version of dis post inside Arabic language don get more than 250,000 shares.

Professor Bloomfield tok say no evidence don show say drinking water every 15 minutes go help.

Airborne virus dey enta di body through di respiratory tract wen you breathe in. Some of dem fit go inside your mouth, and even drinking water no go prevent you from catching di virus.

Anyway shall, drinking water and to stay hydrated na generally good medical advice.

4. ‘Miracle minerals’

One YouTube pesin, Jordan Sather, wey get thousands of followers, claim say “miracle mineral supplement”, wey dem dey call MMS, fit “wipe out” coronavirus.

Di tin contain chlorine dioxide – bleaching agent.

Sather and odas promote di substance even before di coronavirus outbreak, and for January e come tweet say, “no be only say chlorine dioxide (aka MMS) dey strong for cancer cell killer, e fit wipe out coronavirus too”.

Last year, US Food and Drug Administration (FDA) sama warning about di health danger wey dey if pesin drink MMS. Health authorities for oda kontries also bring out alerts about dis substance.

Di FDA say “dem no know of any research wey show say dis products dey safe or fit treat any illness”.

Dem sama warning say drinking dis substance fit cause nausea, vomiting, diarrhoea and symptoms of serious dehyrdation.

5. Drinkable silver

Na for one American televangelist, Jim Bakker show dem promote di use of colloidal silver– wey be liquid wey contain tiny particles of silver.

One guest for di show claim say di solution dey kill some strains of coronavirus within 12 hours (But e agree say dem neva test am on Covid-19).

Pipo wey support colloidal silver treatment idea dey claim say e fit treat all kind of health conditions, act as antiseptic, and help di immune system.

But US health authorities don give clear advice say no evidence don show say dis type of silver fit cure any health condition.

Dem add say colloidal silver fit even cause serious side effect including kidney damage, seizures and argyria – dat na condition wey dey make pesin skin to turn blue.

Di post of some of di pipo wey dey promote di use of colloidal silver inside social media don get one pop-up warning from Facebook fact-checking service.

Facebook post

BBC

Health authorities say dis colloidal silver no dey like iron or zinc, no be metal wey get any function for di human body.

BBC News Pidgin

Mercy Eke Goes Spiritual On Critics; Instructs Them To Give Her Money (Video)

Published

on

Mercy Eke
Mercy Eke

2019 Big Brother Nigeria winner, Mercy Eke

2019 BBNaija housemate, Mercy Eke shared an hilarious video via her Instagram story which contains important messages for her critics.

The former video vixen decided to go spiritual on her critics in a bid to stop them from saying negative things about her.

In the video, Eke is seen wearing a scary make-up and chanting incantations while ordering her critics, who post nasty things about her to stop and she also commanded them to send her money.

Read Also: BBNaija: ‘How I Got Pregnant As A Virgin At 23’ – Wathoni (Video)

Watch the video clip below:

https://www.instagram.com/p/CDJWuV9HbTJ/?igshid=22bb9ocrw23k

Continue Reading

BBC News Pidgin

Tom Hanks coronavirus: Di Hollywood actor and im wife Rita Wilson don test positive to Covid-19 disease

Published

on

Tom Hanks and Rita Wilson

Getty Images

Ogbonge Oscar-winner actor Tom Hanks don tell world pipo say im and im wife Rita Wilson don test positive for di coronavirus for Australia.

Hanks and Wilson, two of dem 63 years, bin ask for medical advice afta dem notice symptoms of cold for Queensland, di actor write for Instagram.

Dem go dey isolation now, im add.

Di US couple bin dey di Gold Coast (for Australia), wia Hanks bin dey work on feem about di life of Elvis Presley.

On Wednesday, di World Health Organization (WHO) officially declare say di outbreak na pandemic, meaning say e don dey all ova di world.

Hanks bin write on Instagram say, “We bin feel tired small, we get cold, and bodi pain. Rita bodi bin dey shake from time to time. Small fever too.

“To play tins right, as na wetin dey needed for di world now, we do test for coronavirus come find out say we dey positive”.

More about coronavirus:

Hanks wey dey act inside feems like Forrest Gump and Saving Private Ryan, say dem go keep di world “posted and updated”.

Wilson wey be singer and actress, bin don perform concerts for Emporium Hotel for Brisbane and di Sydney Opera House for di past week.

Australia don record more than 130 coronavirus cases.

Continue Reading

BBC News Pidgin

Coronavirus: Enyimba and Comets players wey dem kidnap for Nigeria don regain freedom

Published

on

Dayo Ojo

Eniymba FC
Ojo don play five times for Nigeria

4 days afta jaguda pipo kidnap dem for Nigeria, two Nigeria Professional Football League (NPFL) players don regain dia freedom, according to official club announcement.

Statement from Enyimba Football Club say dia midfielder Ekundayo Ojo and Benjamin Iluyomade of Abia Comets Club, wey jaguda pipo kidnap on Sunday 22 March, don return to dia families.

Tori be say di two players, plus anoda Enyimba player Emmanuel James, bin dey travel along di Benin-Owo expressway when di attack happun.

Earlier statement on Sunday report say James manage to escape di attack but di oda two no dey lucky.

Di Covid-19 pandemic bin don make NPFL announce say dem don suspend games, and di players bin dey return to Akure, Ondo State, wey be 338km journey.

Ojo represent Nigeria for senior level during di 2018 African Nations Championship.

“Dem release di footballers on Wednesday night because of help from di Nigeria Police Force, support from Enyimba Football Club, di National Association of Nigeria Professional Footballers and families of di players,” di statement from Eyimba bin tok.

For 2018, kidnappers gbab di papa of Nigeria international player Mikel Obi for 2018 – for di second time. Tori later comot say dem pay $28,000 for im release.

Highway kidnapping – as way of making money by ransom – dey common across Nigeria and although di administration of presido Muhammadu Buhari don promise to tackle di mata, reports show say di problem still dey.

Continue Reading

Trending